| Zein
ondo, aitatxo, amatxo, anaia txikia eta ni autoan goaz familia guztiak
poz-pozik elkartuta egon behar duen festa horietako batera. Zein ondo,
errepide okerretik goaz. Amatxo oso histerikoa denez bere onetik aterako
da eta aitatxo, tira, aitatxo zer esanik ez, kontua ez baita bakarrik
errepide okerra hartu dugula. Irteerarik ez duten bide horietako bat hartu
dugu. Seguru, orain gauzak gertatzen hasiko zaizkigu... Esan beharrik
ere ez zegoen. Hor dator auto beltz bat, oso beltza. Eta hor dago emakume
bat geldi, zuriz jantzita. Eta orain kontua da banan-banan hiltzen hasiko
garela. Hara zer ondo. Eta dena oso kontu txarraz ari den eta famili instituzioaren,
eta gainontzekoaren kontra berealdikoak esaten dituen pelikula bateko
protagonistak izateagatik. Hara zein ondo. |
