| Bideoan
ikusiko bagenu birbobinatu egin beharko genuke lehenengo azpitituluak
berriro irakurtzeko. Bai, ustez irakurri dugun hori diote: 1943, Amerikako
Estatu Batuak eta Japonia aliatu gisa ari dira borrokan II. Mundu Gerran.
1945ean, bonba atomikoa Berlinen gainean jaurti dute eta garaile atera
diren herrialdeak, nolabait esateko, mundua euren artean banatu dute.
Korea jadanik ez da Korea. Ez Iparralde ez Hegoalde. Ezta estatu elkartu
bat ere. Ekialdearen Inperioaren eskualde bat da. Ez, ez da Historia berriro
interpretatzen, Einsteinen Erlatibitatearen Teoria zineman modu ikusgarri
batez berriro landu baizik, orainaldiaren, lehenaldiaren eta etorkizunaren
artean zabaltzen diren ateekin. Ba ote dagoen armada independentistarik?
Bai, noski, Hureisenjin banda. Bortitza, iragarlea, apokaliptikoa, 2009
Lost Memories ekialdean izugarrizko arrakasta izan duen pelikula
da. |
