| Mario
Bavak pertsonaia nabarmenetako bat utzi die hirurogeiko hamarkadako irudi
zinematografikoei, Diabolik maltzurra alegia. Sofistikatua eta kitsch
ukitu atseginarekin, John Phillip Lawk asmo handiko lapur honen pertsonaia
antzezten du. Begiak besterik ikusten uzten ez dituelarik eta larru beltzez
jantzita, Italiako ekonomia suntsitu nahian dabil ahalmenik ez duen poliziaren
(Michel Piccolik ordezkatua) etsiarazteko moduko saioen aurrean, ezin
baitute ezer egin gizon mozorrotu dotore horri eta bere lankide erakargarriari
(Marisa Mell sentsuala) nazio osoa estuasunean jartzea eragozteko. Hirurogeiko
hamarkadako izaera eta pop ukitua duen abenturazko pelikula da,
Angela eta Luciana Giusianni arreben komikiaren egokitzapena. Mario Bavak
ironia, umore sena eta dotoretasuna eman dio, hamarkada horretako genero
poliziakoaren klasikoetako bat izatera eramateraino. |
