| Karel
Zemanek zuzendu du irudimenaren apologia hau, fantasiaren, erreala ez
denaren, ipuinen errebindikazio hau. Munchhausen baroiaren pertsonaian
oinarrituta, bere inguruan literatura eta zine ugari sortzeaz gain gaixotasun
bati izena eman ziona (“Munchhausen sindromea”, irudipenezko
gaitzei dagokiona, jakina), maisu txekiarraren film honek pertsonaia errealak
eta izarrez margotutako sabaiak, panpinak eta marrazkiak, odola eta kartoia,
hezurrak eta txotxongiloak nahasten ditu. Testura eta material desberdinek
osatzen dute Zemanen maisulan hau, Europako animazioaren une gogoangarrietako
bat adierazten duena, eta George Mélièsen zinea eta Jules
Verneren literatura aipatu, erreferentzia gisa hartu eta omenaldia egiten
dien film zoragarria. Film bikaina. |
