| Generoaren
hiru irudi gailenek topo egin dute hemen. Roger Cormanek Vincent Price
eta Barbara Steele zuzendu ditu Edgar Allan Poeren egokitzapen berri honetan.
Aldi honetan, Cormanek idazle amerikarraren kontakizun ezagunenetako bat
hartu du, Putzua eta pendulua (filmaren jatorrizko izenburua,
ohizko banatzaile espainol erneak birmoldatua, heriotzaren erakargarrian
Poerenean baino konfiantza handiagoa jarri baitzuen). Pelikula Espainian
garatzen da, inkisizioaren torturatzaile izugarrienaren semearen etxe
handi eta dotorean. Vincent Pricek, jakina, Nicholas Medinaren pertsonaia
antzezten du, legenda bihurtu zuten lan horietako batean, eta aldi honetan,
lehen aldiz eta aldi bakarra izanik, Italiako beldurrezko generoaren emakumezko
heroia, Barbara Steele, lagun duela. Oraingo honetan ere Richard Mathesonena
da gidoia. |
