| Jason
Voorhees bere ibileretan hasi baino bi urte lehenago eta Freddy Krueger
mundu guztiko nerabeen amets gaiztoetatik ibiltzen hasi baino sei urte
lehenago, Michael Myers lehen aldiz agertu zen jendaurrean John Carpenterren
eskutik eta Jamie Lee Curtis eta Donald Pleasencen laguntzarekin. New
Yorkeko errealizadorearen film honek aurrekontu txikia izan zuen eta historian
izan diren pelikula independente arrakastatsuenetakoa izatera iritsi zen,
genero honetan ondoren sortutako erreferente eta oraindik jarraitzen duen
saga baten aitzindari izateaz gain (lehengo urtean Halloween: Resurrection
estreinatu zen, azkeneko emanaldia orain arte). Musika partitura paregabearekin,
ia beti gertatu ohi den bezala Carpenter berarena izanik, La noche
de Halloween garaiko beldurrezko zinemaren klasiko handienetakoa
da, inolako zalantzarik gabe. |
