| Steve
Reeves aktore iparramerikar muskuludunak eta hotzak (bere ibilbidean zehar
Sandokan, Eneas, Romulo baita Filipides ere izandakoak) Herkulesen pertsonaia
antzezten du berriro, Greziako heroi mitologikoa alegia. Pelikula, Pietro
Francisci izanik zuzendaria (berriro ere) eta Mario Bava argazkien arduraduna
(aurreko pelikulan bezala), Sofokles eta Eskiloren testuetan oinarritzen
da, Tebasen kontrola berenganatu nahian Ediporen bi semeen artean sortutako
gerra eragoztearren Herkulesek, emaztearekin eta Ulises gaztearekin batera,
egindako saioak kontatzeko. Egingo dituen bidaia horietako batean Lidia
erregina maltzurraren (Silvia López) besoetan bukatuko du, atzean
utzi ohi dituen maitale guztiak hiltzeko agintzen duen emakumearekin.
Herkules amnesikoak maitasun handiko egunak iragango ditu erreginarekin. |
