| Beste
planeta bateko izaki bat, Antartidako izotzetan milaka urtez lozorrotuta
egon dena, esnatu egin da Estatu Batuetako zientzialari talde bat hiltzeko
prest. Christian Nyby eta Howard Hawksen El enigma de otro mundo
agertu eta hogeita hamar urte beranduago, John Carpenterrek bertsio berri
bat egin du istorio horren inguruan. Bizitasun handiko pelikula honetan
etengabe estututa dabiltzan gizon talde batek arrisku ezezagun eta ia
ikusezin bati aurre egin beharko dio, atsedenik hartu gabe, susmoa hartuta
eta beldurrez. Western klaustrofobikoa, zuria eta izoztua, generoaren
maisu den Ennio Morricone italiarraren jatorrizko soinu-bandak lagundutakoa. |
