| Orain
dela hamar urte. Orain dela hamar urte zoratutako galiziar talde batek
Antzoki Zaharra hartu zuen Fantasiazko eta Beldurrezko Zinemaren IV. Aste
hartan oihartzun handia izan zuen pelikula bat aurkezteko. Antonio Blanco,
Ricardo Llovo eta Manuel Manquiña buru zirela, La matanza
caníbal de los garrulos lisérgicos film luzea ekarri
ziguten, marketing teknika berritzaileek finantzatuta (1.500
pezetaren truke filmaren bideo-kopia bat eskuratzeko eskubidea ematen
zuten bonoen bidez). Urte haietan Espainiako beldurrezko generoan ohikoa
ez zen pelikula hark Machado familiaren gorabeherak kontatu zizkigun,
Europako araudi berriek hondamendia ekarri zioten nekazari familiarenak,
giza haragiaren abantailak ezagutuko zituztenak. Asteak omenaldia eskaini
nahi dio bere historia laburraren barruan jadanik legendario bihurtutako
pelikula hari. |
