| Gizakiak
beti izan dio beldur iluntasunari, garai guztien hasieratik. Ezin ikusi
izanak beti kezkatu gaitu. Hala eta guztiz ere, baliteke kezkagarriagoa
izatea guztia ezin ikusi izatea, parte bat bakarrik ikusi ahal izatea,
alegia. Lainoak gauzak osotasunean ikustea eragozten digu, errealitatearen
zati batzuk bakarrik erakusten dizkigu, segurtasunik gabe uzten gaitu,
engainatu egiten gaitu, agertu eta desagertu egiten baita, hor dago eta
bat-batean ez dago. Lainoak inguratu egiten du guztia, eta mugitu eta
ezkutatu eta inguruan ibili ohi da, eta gogorarazi egiten digu, eta mehatxu
bila dabilen beste garai bateko jendea ekarri ohi digu. Antonio Bay bere
mendeurrena ospatzen ari da. Baina herria odolari eta hezurrei esker sortu
zen, zintzilik utzitako kontuak konpontzera itzuli berri diren gizon talde
bati esker. Jamie Lee Curtis berriro agertu da Carpenterren eskutik eta
oraingo honetan ama ekarri du berarekin. |
