| Riccardo
Fredak zuzendutako pelikula legendarioa, besteak beste Caltiki,
il mostro inmortale edo I vampiri zuzendu dituenak.
Hichcock doktoreak hildako emakumeekin harreman sexualak dituenean bakarrik
lortzen du plazerra. Bizirik dauden emakumeak ez zaizkio interesatzen.
Emaztea bizirik dago, ordea. Hala, gauez droga bat eman ohi dio lo har
dezan, eta gustura eszitatu ahal izaten da horrela. Baina egun batean
neurriz gaineko dosia emango dio eta Margherita hil egingo da. Hamabi
urte beranduago berriro ezkonduko da, aldi honetan Barbara Steele paregabearekin,
Europako beldurrezko generoaren erreginarekin. Urteak igaro dira, baina
hala ere medikuaren lehenengo emaztearen presentzia hor dago beti. Beldurrezko
zinemaren benetako klasikoa, morbositatea eta aztoramena eragiten duena,
baita aitzindaria ere nekrofiliaren gaia lantzeko garaian. |
