| Hirurogei
eta hamarreko hamarkadaren hasieran, Shintaro Katsu aktoreak, Zatoichi
heroi itsu legendarioaren inguruan (Japoniako zinemaren historian nonahi
agertu izan dena, eta 2003an Takeshi Kitanoren eskutik berriro egokitua)
hainbat pelikulatan protagonista izandakoak, Kozure Okami komikien
saila pantaila handira eramateko proiektua ekoiztea erabaki zuen. Bere
anaia Tomisaburo Wakayama, samuraien zineman esperientzia handikoa, historiaren
protagonista bihurtu zuen. Katsuk lehenengo hiru emanaldiak ekoiztu zituen,
eta Wakayamak hurrengo hirurak. Hau bosgarren pelikula da, eta Kenji Misumi
da zuzendaria, sagaren itxura bisualaren benetako sortzailea, bera izan
baitzen Ogami Itto eta semearen lehenengo hiru abenturen zuzendaria. Hemen,
“otso bakartiak” bost gudariri aurre egin beharko die. |
