| Gizon
ikusezina fantasiazko generoaren pertsonaia klasikoenetakoa da, zineman
nahiz literaturan. XX. mende osoan zehar, ia etengabe agertu izan da mundu
guztiko pantailetan, James Whalek zuzendutako eta jadanik klasiko bihurtutako
Universal etxearen pelikulatik hasita, Claude Rains gizon ikusezinarena
eginez halakorik ez den eszenetan. H.G. Wellsen kontakizunean oinarritutako
pelikulatik eta bere sekuela desberdinetatik hasi eta duela gutxi agertutako
El hombre sin sombra-raino, azken hau Paul Verhoevena
eta Kevin Bacon protagonista izanik. John Carpenterrek, beti fantasiazko
generoaren ertzetan ibili ohi denak, laurogeita hamarreko hamarkadaren
hasieran egin zuen bertsio hau. H.F. Sainten nobelan oinarrituta eta Chevy
Chase, Daryl Hannah eta Sam Neill handia protagonista direla, pelikula
hau zientzia-fikzioaren eta komedia erromantikoaren artean dabil txandaka. |
