| 1886an
sortua, Nick Carter, Iparramerikako herri literaturaren pertsonaia ezaguna
da Joe Kolaloca-ren arduradunak zuzendutako fantasiazko
pelikula surreal honen protagonista. Aldi honetan, Lipskyk omenaldi eztia
eta parodia egiten dio detektibeen zinemari. Hemen, Nick Carter da detektibea,
eta Pragara joan beharko du era misteriotsu batez galdu den zakur baten
aztarnak ateratzera. Bertan, bere etsai zahar bati aurre egin beharko
dio, “Botanikoari”. Adela izena duen eta musika klasikoa entzuteak
gosetzen duen landare haragijaleari esker bere etsaiak hiltzen dituenari.
Ikertzaileak fantasiazko gadget ugari erabiltzen ditu, esate
baterako bentosadun oinetako batzuk paretatan gora igotzeko edo hegan
egiten duen pedaldun bizikleta bat. Eldarniozkoa, irudimenezkoa eta asmamenez
betea, Zeman maisuaren zinemari buruzko etengabeko erreferentziak dituen
pelikula hau Lipskyren talentuaren erakusgarri nabarmena da. |
