| Wolf
Rillak 1960an egokitu zuen John Wyndham idazle britainiar joriaren
Los cuclillos de Midwich lana, eta gure planetan estralurtarrek egindako
inbasio bati buruz inoiz filmatu den pelikula onenetako bat sortu zuen:
Village of the Damned. Hiru hamarkada igaro ondoren,
literaturako jatorrizkoaren nahiz Rillaren pelikularen iturritik edanez,
John Carpenterrek begi disdiratsuak eta ile zuria duten haur mehatxagarri
horien istorioaren bertsio berri bat filmatu zuen, Midwichen jaioak diren
eta taldean mugitzen diren haur horien helburua mundua konkistatzea izanik.
Christopher Reevek George Sandersen txanda hartu zuen herriko medikuaren
pertsonaia antzezteko, hain zuzen ere aurrera egin ez dezaten eta beren
suntsipenetik gizadia salbatzearren haur horiei aurre egin beharrean haiei
ulertzen saiatzen den zientzialariarena. Aipatzekoa da Mark Hamillen lana,
Luke Skywalker ahaztezinarena, herriko apaiz zoratuaren pertsonaia antzeztuz. |
