Saint

ProIEKZIOAK

urriak 31 / 19:45 / Antzoki Zaharra
azaroak 2 / 19:45 / Victoria Eugenia Antzokia

Sint

Holanda, 2010

Zuzendaritza: Dick Maas
Ekoizpena: Tom de Mol, Dick Maas / Tom De Mol Productions, Parachute Pictures
Gidoia: Dick Maas
Argazkia: Guido Van Gennep
Musika: Dick Maas
Muntaketa: Bert Rijkelijkhuizen
Aktoreak: Huub Stapel, Egbert-Jan Weeber, Caro Lenssen, Escha Tanihatu, Bert Luppes
Iraupena: 88 min

Baten batek (Coca-Cola eta Hadom Sundlom) Aita Noel asmatu aurretik existitu zen San Nikolas. Santuak opariak eramaten dizkie Europako iparraldeko haurrei, eta Oriokoei herriko zaindaria den heinean, abenduaren 5eko gauean. Dick Maasek egia kontatzea erabaki arte, San Nikolas apezpiku zintzo, jakintsu eta eskuzabala zela uste izan dugu guztiok. Baina, ez da horrela. Amsterdamned lanaren egileak begiak irekiko dizkigu: San Nikolas XVI. mendeko apaiz gaiztoa eta krudela da, hilarazi zutenean betiko mendekua aldarrikatu zuena. Bere heriotzaren urteurrenean ilargi betea dagoen egunetan (36 urtean behin, gutxi gorabehera), Niko zaldi fantasma baten gainera igotzen da eta sarraskirik gordinenak eragiten ditu, odola eta gorputz-zatiak edonon utzita. Europa fantastikoa errenditu egin da momentu ezin zoriontsuagoak (adibidez, Nikolasek Amsterdameko teilatuetatik lauhazka ihes egiten duenean) dituen komedia beldurgarri honen aurrean.