The Prodigies

ProIEKZIOAK

urriak 29 / 17:00 / Victoria Eugenia Antzokia (3D saio berezia / abonamendutik kanpo)

Frantzia-Belgika-Luxemburgo, 2010

Zuzendaritza: Antoine Charreyron
Ekoizpena: Aton Soumache, Alexis Vonarb, Marc Missonnier, Olivier Delbosc / Onyx Films, Fidélité Films, Studio 37/TP, Scope Pictures, LuxAnimation
Gidoia: Matthieu Delaporte, Alexandre de la Patellière
Musika: Klaus Badelt
Muntaketa: Benjamin Weill
Iraupena: 96 min

Animazioko film frantziarra. 28 milioi dolarreko aurrekontua. Erabilitako teknikak: motion capture eta kamera estereoskopikoa. Half Life 2 bideo-jokoaren irudien arduradun Victor Antonov proiektu honetan sartu zen, baita Marvel enpresako Humberto Ramos eta Francisco Herrera jeinuak ere. Azken horiek pertsonaiak diseinatzeaz arduratu ziren. Lanak bideo-jokoaren grafismoa du, bete-betean. Hori bai, figurak aizkorakadaz zizelkatuta daude. Jatorrizko filmean Matthieu Kassovitz eta Féodor Atkinen ahotsak entzun daitezke. Lana, oso estilizatua, Lenteric-en Les enfants rois obran oinarritzen da eta honako istorio hau kontatzen digu: New York hiria bataila-eremu bilakatu da. Bertan, gizon gaizto menderaezin batek hiltzeraino borroka egingo du gaztez osatutako talde batekin. Gazte guztiek talentu aparta eta izaera anbibalentea eta zalantzagarria dute, arimaren mugaldeilunabeltzean bizi diren super-heroiei dagokiena, zehazki. Bost magnifikoek biziki gorroto dute Gizateria, baina harentzako mundu hobeago bat sortzera behartuta daude.