Lobos de Arga

ProIEKZIOAK

azaroak 3 / 17:00 / Antzoki Zaharra

Espainia, 2011

Zuzendaritza: Juan Martínez Moreno
Ekoizpena: Tomás Cimadevilla, Emma Lustres / Telespan 2000, Vaca Films
Gidoia: Juan Martínez Moreno
Argazkia: Carlos Ferro
Musika: Sergio Moure
Muntaketa: Nacho Ruiz Capillas
Aktoreak: Gorka Otxoa, Carlos Areces, Secun de la Rosa, Manuel Manquiña, Mabel Rivera
Iraupena: 102 min
Prentsa: Lara P. Camiña: 648 25 33 70 / Helbide elektroniko honek spam bot-en kontrako babesa du. Ikusteko Javascript-a aktibatu behar duzu - Alberto Sestayo: 620 901 352 / Helbide elektroniko honek spam bot-en kontrako babesa du. Ikusteko Javascript-a aktibatu behar duzu

Dagoeneko, Sitgeseko ikusleen erdiak tentelduta utzi ditu filmak; gainontzekoak Galiziara joanak dira, giza otsoak ehizatzera. Baina Galiziara bidean, filmak geldialdi bat egingo du gure Aste Fantastikoan. Lobos de Arga bidelapurrei eta Santa Compaña-ri buruzko komiki erako marrazkiekin hasten da, baina poliki-poliki, haragizko, hezurrezko eta ile askoko izakiz beteko da. Juan Martínez Moreno da zuzendaria, ezin bikainagoa eta katatonikoagoa, eta aktoreak Gorka Otxoa, Carlos Areces eta Secun de la Rosa berreskuraezinak. Hirurak ere beren senetik ateratako rol ezin dibertigarriagoetan ikusiko ditugu. Horiez gain, Airbag filmeko Manquiñak ("conceto" hitza etengabe errepikatzen zuenak), Luis Zaherak (guardia zibil bizkorraren paperean), eta arratoi-zakur batek ere parte hartu dute lan honetan. Zakurrak antz izugarria du loteria nazionaleko Pancho zakurrarekin, baina Vito superstar da, egiaz. Zeri buruzkoa den istorioa? Bada, giza otsoei, ardiei eta markesei buruzkoa.