Save the Rhinoceros / Pelastakaa sarvikuonot

Gure artean dugu berriro heavy metal musika eta beldurrezko zinema izugarri maite dituen Tomi Malkki “Malakias” finlandiarra. 2009an, Bloody Hands film labur odoltsua aurkeztu zuen, iaz epaimahaikide izan zen, eta aurten, Plastilina odoltsu eta urratua izeneko erakusketa (Okendo Kultur Etxean) eta Save the Rhinoceros lana aurkeztuko du. "La 2” kateko dokumentalen traza duen lan honetan nahastu egiten dira artistak erabili ohi duen animazio kolorista eta found footagea; Afrikan errinozeroak harrapatzen dituen ehiztari baten istorioa da, errinozeroaren adarraren bilaketa, munduaren mugaldean galduta dagoen tribu bat, eta arrazen arteko amodiozko istorio bat kontatzen duena.