Suiker

Bertek beheko solairuko bizilagun xarmangarriaren bisita jasotzen du; azukre (suiker) eske dator, arropa iradokitzailea jantzita. Bertek guztiz era logikoan jokatuko du. Azukre eske (gatza, kafea, edo dena delakoa) datorren emakumezko bizilagunaren mitoa lantzen da film labur honetan (gizonezkoarena ez da hain ohikoa), gehienbat, zinemak eta telesail britainiarrek hamarkadaz hamarkada elikatu dutena (zuzenean sortu ez badute). Alboko etxebizitzan bizi den emakume erakargarria (edo gizona, baina gutxiagotan) ziurrenik bere jaki-gordailuan izango duen elikagairen bat eskatzera joaten bazaizu, argi dago: emakumeak zerbait gehiago nahi du. Edozein egunetan etxean gauzak zenbateraino konplikatu daitezkeen azaltzen digun film labur dibertigarria eta harrigarria.