YOGA HOSERS (2016)

AEB. Zuzendaritza: Kevin Smith. Ekoizpena: Jennifer Schwalbach, Jordan Monsanto, Liz Destro / Destro Films, Starstream Media, Abbolita Films, Demarest Films, Invincible Entertainment Partners, Smodcast Pictures, XYZ Films. Gidoia: Kevin Smith. Argazkia: James R. Laxton. Musika: Christopher Drake. Muntaketa: Kevin Smith. Aktoreak: Lily-Rose Depp, Harley Quinn Smith, Justin Long, Austin Butler, Adam Brody. Iraupena: 87 min

HIZKUNTZA: ingelesa / AZPITITULUAK: gaztelania

Ahaztu Clerks (1994). Hemen eta orain Smithek Depp, Lily Rose honen alaba eta Paradis haren ama hartzen ditu, eta Harley Quinn Smithekin –Kevin Smith beraren alaba– elkartzen ditu. Hauekin batera, istorio horretan ere aurkituko ditugu yogaren guru bat, bi mutil-lagun sataniko, brigada nazi kanadar bat eta, adi, gizakien ipurditik sartu eta ahotik irteteko ohitura txarra duten prusiar kaskoz jantzitako saltxitxa txikiz osatutako armada. Hori guztia, komiki eta pop kutsu handiko kolore eta grafismoekin, eta honakoei erreferentzia eginez: Zaldizko Poliziari, astigar-hostoari, hockeyarekiko pasio nazionalari, baita Kanada zergatik den Dolanen, Cronenbergen eta Villeneuven herrialdea ulertarazten diguten beste edertasun batzuei ere erreferentzia eginez. Ez harritu: Yoga Hosers horrelakoa da, naturala, eta supermerkatu batean gertatzen da.