THE EYES OF MY MOTHER (2016)

AEB. Zuzendaritza: Nicolas Pesce. Ekoizpena: Jake Wasserman, Schuyler Weiss, Max Born / Tandem Pictures. Gidoia: Nicolas Pesce. Argazkia: Zach Kuperstein. Musika: Ariel Loh. Muntaketa: Nicolas Pesce, Connor Sullivan. Aktoreak: Kika Magalhães, Will Brill, Paul Nazak, Flora Diaz, Clara Wong. Iraupena: 77 min

HIZKUNTZA: ingelesa / AZPITITULUAK: gaztelania

Gurasoekin "The Twilight Zone" (1959-1964) What Ever Happened to Baby Jane? (1962) edo The Night of the Hunter (1955) ikusten zuen eta, handitu zenean, hiltzailea barruan zuen film bat egin nahi izan zuen mutil koskor baten lehen (maisu-)lana da. Hannibal Lecter bat egin nahi izan zuen, baina guri Clarice ginela sinesten utzi beharrean, ilunagoak eta zaurituagoak izan behar genuen. Hau da, Francisca –The Eyes of My Mother filmeko protagonista– izan gintezen nahi zuen. Francisca, txikia zenetik, bere ama hil zuen gizonaren aldamenean baino ez da bizi izan. Filma benetako maitasun-gutun fina da eta, aldi berean, iraganeko garai bateko beldurrezko zinemaren zuri-beltz kezkagarria. Ez gore, ez slasher. 77 minututan arima dardarka uzten dizun kamerako eta pertsonaien zinema.