A Lost and Found Box of Human Sensation

Aitaren heriotza eta gero, mutil gazte batek gertatutakoa ulertu nahi du. Malenkoniak jota, tristurari aurre egiten saiatuko da. Gertatutakoa errepasatu eta aurrera jarraitzeko indarra aurkitu nahi du. “Nola atera daiteke eguzkia?”. Bidaia bati ekingo dio denboran eta espazioan zehar, sentitzen duen min eta gorroto guztia gainditu nahian. Bidaian mundu errealarekin aurrez aurre topo egingo du gure protagonistak; mundu horretan, zoriona ez dago bermatuta eta heriotza bizitzaren parte da. Sari ugari jaso duen film labur honen protagonistak (ahotsetan) Joseph Fiennes eta Ian McKellen ditugu; filmaren zuzendariarentzat opera prima da.