MEATBALL MACHINE KODOKU / KODOKU: MITOBORU MASHIN (2017)

Japonia. Zuzendaritza: Yoshihiro Nishimura. Ekoizpena: Yudai Yamaguchi, Yukihiko Yamaguchi, Tomoharu Kusunoki / Ark Entertainment, Nishimura Eizo Co. Gidoia: Sakichi Sato, Yoshihiro Nishimura. Argazkia: Keizo Suzuki. Musika: Koh Nakagawa. Muntaketa: Yoshihiro Nishimura. Aktoreak: Yoji Tanaka, Yurisa, Eihi Shiina, Takumi Saito, Miyuki Torii. Iraupena: 100 min

HIZKUNTZA: japoniera / AZPITITULUAK: gaztelania

Tokyo Gore Police (2008) eta Vampire Girl vs Frankenstein Girl (2009) filmen Nishimura kuttunaren azken-aurreko pelikula –Tetsudon: The Kaiju Dream Match amaitzen ari da–, Filmaffinityren arabera, azpigenero hauetakoa da: Ekintza. Komedia. Beldurra. Zientzia fikzioa. Estralurtarrak. Beldurrezko komedia. J-Beldurra. B seriea. Sekuela. Gorea. Zerrendarekin erabat ados, motz geratzen da, ordea. Gehitu ditzagun Parasituak. Gehitu dezagun Hondamendi apokaliptikoa. Gehitu dezagun Barruki-denda japoniarra (gore soilik ez da gauza bera). Gehitu dezagun Metala (hurlant baino, “matxuratuta” hobe esanda). Gehitu ditzagun Mutanteak (ezinezkoak). Gehitu dezagun Frac kobratzailea japoniar erara. Gehitu ditzagun Maitasuna eta bizikletak apur bat. Gehitu ditzagun Geishak. Gehitu dezagun Yoji Tanaka handiaren presentzia. Bai, Kill Billen (2013-2014) zegoen.