ABRAKADABRA (2018)

UNA GOTA DE SANGRE PARA MORIR AMANDO FILMAREKIN EMANALDIA

Argentina. Zuzendaritza: Luciano Onetti, Nicolás Onetti. Ekoizpena: Nicolás Onetti, Carlos Goitia / Black Mandala. Gidoia: Carlos Goitia, Luciano Onetti, Nicolás Onetti. Argazkia: Carlos Goitia. Musika: Luciano Onetti. Muntaketa: Luciano Onetti. Aktoreak: Germán Baudino, María Eugenia Rigón, Clara Kovacic, Ivi Brickell, Gustavo D´Alessandro. Iraupena: 80 min

HIZKUNTZA: italiera / AZPITITULUAK: gaztelania

Cannesen izan zen. Han izan zen, ohorez eta loriaz, 7 hautatu handien artean Upcoming Fantastic Films sailean aurkezteko. Cannesen izan zen, Sitgesetik pasatu zen eta orain asebete egin du gure giallo onaren, betikoaren gosea. Izan ere, Onetti Brohers-ek, alegia Lucianok eta Nicolásek amestutako trilogiakoa da, 60-70eko urteetako beldurraren maisu italiarrei omenaldi egiteko. Beste tituluak Sonno profondo (2013) eta Francesca (2015) dira. Mago hiltzaile bat dago istorioan, eta beste bat ere zurrunbilo hilgarri batean amiltzeko zorian. Dena den, film honetan zera da garrantzizkoa, kolore hipersaturatuaren tratamendua, musika erabili den modua (hain da gialloista) eta interpretazio horiek, pelikulako koloraturari hain ondo egokituak.