Erresuma Batua. Zuzendaritza: Neil Jordan. Ekoizpena: Chris Brown / Incorporated Television Company, Palace Pictures. Gidoia: Angela Carter, Neil Jordan. Argazkia: Bryan Loftus. Musika: George Fenton. Muntaketa: Rodney Holland. Aktoreak: Sarah Patterson, Angela Lansbury, David Warner, Micha Bergese, Stephen Rea. Iraupena: 95 min.
HIZKUNTZA: ingelesa / AZPITITULUAK: euskara
Angela Carter idazlearen kontakizunetatik abiatuta, fantasiazko generoko hamarkada honetako pelikula onenetako bat zuzendu du Neil Jordan zinemagile irlandarrak. Rosaleen nerabearen ametsetan barrena egindako bidaia bat da, otso talde bat bere ahizpa irensten ikusten duenean hasten dena. Hortik aurrera, errealitatearen eta fantasiaren, lehenaren eta orainaren erdibidean dagoen mundu batean gertatuko da guztia, non gauez otso bihurtzen diren gizon bekain bakarrei buruzko istorioak kontatzen baitizkio bere amonak –berak egindako mantu gorri bat oparitu ondoren–.
