Polonia. Zuzendaritza: Janusz Majewski. Ekoizpena: Ryszard Straszewski / Zespół Filmowy Tor. Gidoia: Janusz Majewski. Argazkia: Stefan Matyjaszkiewicz. Musika: Wojciech Kilar. Muntaketa: Lidia Zonn. Aktoreak: Józef Duriasz, Edmund Fetting, Gustaw Lutkiewicz, Małgorzata Braunek, Zofia Mrozowska. Iraupena: 100 min.
HIZKUNTZA: poloniera / AZPITITULUAK: euskara
Artzain ebanjeliko aleman bat Lituaniako eskualde urrun batera joan da. Tokiko folklorea aztertzea eta Ebanjelioen samogitierazko itzulpen bat kontsultatzea da bere asmoa. Konde bitxi baten gazteluan hartuko du ostatu. Haren ama aspaldi batean erotu zen, hartz baten erasoaren ondorioz. Erasoa justu haurdun geratu aurretik izan zenez, zurrumurru ugari egon dira eskualdean aristokrataren benetako sorburuaz. Aste batzuetan zehar, kondeak gonbidatua lur baltikoetako tradizio eta ospakizunetatik gidatuko du. Poloniako garaiko fantasiazko zinemaren erakusgarri berri bat, Prosper Mériméeren kontakizunean oinarritua.
