Danimarka. Zuzendaritza: Søren Juul Petersen. Ekoizpena: Jacob Kondrup, Søren Juul Petersen / Frightgeist Productions, Bang Over Buck, 2 Feet Entertainment, The Danish Film Institute. Gidoia: Søren Juul Petersen, Steen Langstrup, Carsten Bladt. Argazkia: Tobias Scavenius. Musika: Peter K. Nørgaard. Muntaketa: Jacob Kondrup. Aktoreak: Anne Bergfeld, Karin Michelsen, Damon Younger, Kristoffer Fabricius, Mads Koudal. Iraupena: 99 min.
HIZKUNTZA: daniera / AZPITITULUAK: euskara, ingelesa
Bi kreatura aurkeztuko dizkizuegu, nekez ahaztuko dituzuenak. Batetik Søren Juul Petersen errealizadore berria, 20 urte pelikulak ekoizten jarduna. Errealizadore gisa bere aurreneko honekin sekulako arrakasta izan du Glasgown, Bruselan, Errusian eta harago. Bestetik Steen Langstrup idazle joria, denek Stephen King daniartzat dutena. Bere nobeletako bat da film honetarako oinarria, Hamleten eta Von Trierren herrialdeko futbol selekzioak final handi batean jokoan dena ematen duen gau batean gertatzen dena. Mundu guztia dago telebistaren aurrean, eta zuek biak, guardia egiten gasolindegi galdu batean, arimarik ere agertuko ez den batean… edo bai? Ez, ez da zehazki ematen duena, hor baitaude ere bai torturen putzu bat eta zeremonia maltzurretako maisu bat.
