2018.10.27
Donostiako Fantasiazko eta Beldurrezko Zinemaren Asteak errealitate birtualeko pieza sail berri bat estreinatuko du aurten. Bertan, hamabi produkzio ikusi ahal izango ditugu, azken urteotan beldurraren eta fantasiaren generoan egin izan denaren erakusgarri.
Kobolden estreinaldiaz gozatu ahal izango dugu, Veneziako Zinemalditik igaro ondoren. Esperientzia interaktibo horri film labur bat gehitu zaio izen berarekin, eta hori ere ikusi ahal izango dugu, errealitate birtualeko bere alderdi horretan barneratzeko pistak ematen baititu.
Campfire Creepers dira Alexander Aja izen handikoak zuzendu dituen bi piezak, Robert Englundekin batera; generoko funtsezko aktoreetako bat bera. Estatu Batuetatik datozkigu ere bai Mule, aukeran diren bi amaierarekin; The Peeler, non psikopata batek ikuslea jazartzen duen esku-ohe bati lotuta; The Spacewalker, non aurreneko ibilaldi espaziala esperimentatuko baitugun astronauta sobietar baten eskutik, 1965ean; edo Dinner Party, historian izan den lehenbiziko abdukzio kasuaren benetako historia kontatzen diguna, Estatu Batuetan denuntziatua.
Gainera, Espainiako bi produkzio izango dira: Ceremony, Nacho Vigalondorena, eta Talismán, Carlos Therónena.
Eta programazioa osatzeko, An Obituary produkzio korearra eta Halcyon sail interaktiboa.
Komisarioa: Zacarías de Santiago Areizaga
Programazioa
An Obituary (2017). Jean Yoon. Hego Korea
Campfire Creepers: Skull of Sam (2018). Alexandre Aja. AEB
Campfire Creepers: Midnight March (2018). Alexandre Aja. AEB
Mule (2016). Director: Guy Shelmerdine. AEB
The Spacewalker (2018). Alexander Gorokhov. Errusia
The Peeler (2017). Harrison Norris. Australia
Kobold (2018). Max Sacker. Alemania
Talismán (2017). Carlos Therón. Espainia
Ceremony (2016). Nacho Vigalondo. Espainia
Dinner Party (2018). Ángel Manuel Soto Puerto Rico-AEB
Halcyon (2016). Benjamin Arfmann. AEB