YELLOW DRAGON’S VILLAGE (2021)

Japonia. Zuzendaritza: Hugo Sakamoto. Ekoizpena: Tsuyoshi Nakano, Yoshihide Kondo, Hiroki Myoenzono. Gidoia: Hugo Sakamoto. Argazkia: Toru Ban. Musika: Koji Endo. Muntaketa: Hugo Sakamoto. Aktoreak: Atomu Mizuishi, Takuya Matsumoto, Mayu Suzuki, Yuni Akino, Zingi Umemoto, Shioka Ishizuka, Kenta Osaka, Shiori Ueno. Iraupena: 67 min.

HIZKUNTZA: japoniera / AZPITITULUAK: gaztelania

Orson Wellesek 25 urterekin zuzendu zuen Citizen Kane (1941). Hugo Sakamotok 24rekin filmatu du Yellow Dragon´s Village eta planetan diren fantasiazko zinemaldi fantastiko guztiak errenditu dira bere kameraren aurrean, Asia Erdialdetik Austinera. Sarkastikoa eta mamiduna, pelikula hau gaztetxo batzuei buruzkoa da: kanpatzeko bidean gelditu behar ez luketen lekuan gelditzen dira, eta are eta okerrago, han (kontuz, kanibalak!) gau pare bat ematea erabakitzen dute. Komedia, borroka-arteen parranda, found footage, mugikorrarekin egindako grabazio eta krimen uzigarrien nahasketa makarroso eta zorionez loturarik gabeko bat da, piknik baten eszena on batekin hasten dena... Aurrekontua ezin merkeagoa, sakonerarik batere ez pertsonaien marrazkian... ordea, zein gozagarria eta bihurria!