MONA LISA AND THE BLOOD MOON (2021)

LEIHAKETATIK KANPO

AEB. Zuzendaritza: Ana Lily Amirpour. Ekoizpena: John Lesher, Dylan Weathered, Adam Mirels, Robert Mirels / 141 Entertainment, Le Grisbi Productions. Gidoia: Ana Lily Amirpour. Argazkia: Paweł Pogorzelski. Musika: Daniele Luppi. Muntaketa: Taylor Levy. Aktoreak: Jeon Jong-seo, Kate Hudson, Craig Robinson, Evan Whitten, Ed Skrein. Iraupena: 106 min.

HIZKUNTZA: ingelesa / AZPITITULUAK: gaztelania

Ana Lily Amirpourri gauez etxera bakarrik itzultzen diren neskak gustatzen zaizkio. Skate baten gainean, banpiro baten kapa moduan daramatela burka jantzita. Kanibal zital ale-ale batzuen artean ondo moldatzen dakiten neskak: The Bad Batch (2016). Honako hauen jabe diren neskak, aipa dezagun prentsa dosierra, "trebetasun ezohikoak eta arriskutsuak". "Beren bizitza osoa" daramaten "gaixo mentalentzako zentrotik" ihes egin eta "munduan integratzen" saiatzen direnak (beren erara). Guri Ana Lily Amirpour gustatzen zaigu, noski. "The Twilight Zone"-n (2019-2020) zuzendu duelako. Guillermo del Tororekin eta Panos Cosmatosekin lan egingo duelako. Venezian izan zelako eta Sitges inauguratu zuelako. Bere pelikula Lynchen, Muguruzaren, jazzaren eta bourbonaren Interview with the Vampireko (1994) New Orleansen gertatzen delako.