EXTRA ORDINARY (2019)

Irlanda-Belgika. Zuzendaritza: Mike Ahern, Enda Loughman. Ekoizpena: Yvonne Donohoe, Ailish Bracken, Mary McCarthy, Katie Holly / Blinder Films, Umedia. Gidoia: Mike Ahern, Enda Loughman. Argazkia: James Mather. Musika: George Brennan. Muntaketa: Gavin Buckley. Aktoreak: Maeve Higgins, Barry Ward, Will Forte, Jamie Beamish, Terri Chandler. Iraupena: 94 min.

HIZKUNTZA: ingelesa / AZPITITULUAK: euskara

Auto-eskolako irakaslea. Irlandarra. Andretzen hasia, neskazahar gelditu da. Bere aitarengatik batik bat, paranormalaren ikerlaria da eta irudi katodiko zaharretan bakarrik ikusiko dugu. Alabak botereak zituen (ditu?). Jakina. Hildakoak ikusten ditu. Eta mamuak ere izarekin kalea zeharkatzen. Aspaldi batez ez du naturaz gaindiko zerbitzurik eman nahi izaten. Bat batean, ordea, gustuko duen gizon alargun bat bere klaseetara apuntatu da gidatzen ikasteko. Eta orduan hasten dira gauzak gertatzen. Proposamen barregarria, errefreskagarria, Irlandako fantasia lurrinez blaituta egoteaz gain, Belgikako koprodukzioa ere denez gero surrealismo kutsu nabaria ere duena, Magritteren et Tintinen herrialdearen hain berezkoa.