Feed Me

• Erresuma Batua.
• Zuzendaritza: Richard Oakes, Adam Leader.
• Ekoizpena: Ed Polgardy, Adam Leader, Richard Oakes, Neal Ward / Dark Fable, Black Hat Magic Productions.
• Gidoia: Adam Leader.
• Argazkia: Richard Oakes.
• Musika: Benjamin Symons.
• Muntaketa: Richard Oakes, Adam Leader.
• Aktoreak: Neal Ward, Chris Mulvin, Hannah Al Rashid, Samantha Loxley, Nadia Lamin, Anto Sharp.

Ez da ideia ona, ez. Nahiz eta Fantasiazko eta Beldurrezko Zinemaren Astearen haria (des)eraikitzailea giza haragiaren aldarrikapena izan (gordina, errea, odoltsua, txigortua, ebaki berria edo faisandage momentu doi-doian). Giza haragia, jaki gozo eta elikagarri gisa aurkeztua. Ez, ez da ideia ona zure mamuak baretzeko eta zure bekatuak garbitzeko, Hannibal bezain sibarita ez den hiltzaile bati zure burua jaten uztea. Ez da ideia ona. Nahiz eta zure filmaren zuzendariak Leader eta Oakes izan, beldur onaren bi tipo –Hosts (2020), Gabonetako hardcore puru-purua– baita musikarik onenarena ere, Gibson gitarrentzat lan egiten baitute, eta In Search of Sun taldeko abeslaria da Adam. Ez da ideia ona. Hobe duzu bere azken klipa ikustea, Make Me Crazy.