Hizkuntza: Ingelesa
Azpitituluak: Gaztelania
Bai, Mexiko Cityko cuate batek zuzentzen du, Floridara lekualdatuak eta bertan zineman graduatuak. Eta hain nota onak atera zituen, non bere beste film batean, Curvaturen (2017), nor eta… Linda Hamilton zuzendu baitzuen. Bai, gidoia bere anaia Juliok egin zuen, produktore lanak egin ohi dituenak. Bai, film honen komenentziazko bandera, batzuek komedia deitzen diotenarena, zerrenda eta izarrena da, baina errepasatu ezazue bere fitxa teknikoa: Argazki zuzendaria, Unax Mendia: –No habrá paz para los malvados (2011), “Velvet” (2013-2016)–. Muntatzailea, Álex Márquez: The Putin Interviews (2017). Jantziak, Nerea Torrijos: Akelarre (2020), of course. Efektu bereziak, Gontzal Aurrekoetxea: Way Down (2021). A, zertaz doan? Mundua menperatzeko moduaz hanburgesak baliatuta, honela eginak… Kontuz, beldurgarria, barregarria, nazkagarria da.