Something in the Dirt

• AEB.
• Zuzendaritza: Justin Benson, Aaron Moorhead.
• Ekoizpena: David Lawson Jr., Justin Benson, Aaron Moorhead / Rustic Films.
• Gidoia: Justin Benson.
• Argazkia: Aaron Moorhead.
• Musika: Jimmy LaValle.
• Muntaketa: Michael Felker, Justin Benson, Aaron Moorhead.
• Aktoreak: Aaron Moorhead, Justin Benson, Sarah Adina Smith, Wanjiru Njendu, Issa Lopez.

Justin eta Aaron. Benson eta Moorhead. Beren filma, jatorri eta kredo oso desberdinetako kritikariek bosten gainetik lau t'erdiko puntuazioekin ospatua, Los Angelesko etxe bateko patio ertzeratu baten erdian garatzen da. Gauzak gertatzen diren lekua. Normalak? Syncronicen (2019) egileek idatzi, filmatu, ekoiztu, musikatu eta interpretatutako film batean? Normalak, inoiz ez. Paranormalak, beti. Bizitzan nahikoa astindu jasandakoak diren bi auzokide antzezten dituzte haiek. Hala, etxean gertatzen den paranormal hori grabatuta zentabo batzuk ateratzea erabakitzen dute. Eta Benson eta Moorhead etengabe filmatzen eta atzera berriro ere filmatzen aritzen direnez (mugikorrekin, droneekin eta identifikatu gabeko gainerako objektuekin), hor dago dena. Formatu, euskarri, dimentsio zeharo haluzinagarrietan.