Welcome to Occult Woods + Sadako DX

Welcome to Occult Woods (2022). Japonia. 123 min

• Zuzendaritza: Koji Shiraishi.
• Ekoizpena: Wowow, Kadokawa, Hikari TV.
• Gidoia: Koji Shiraishi.
• Argazkia: Koji Shiraishi.
• Muntaketa: Koji Shiraishi.
• Aktoreak: Mayu Hotta, Hiroki Iijima, Mikako Kakei, Shohei Uno, Koji Shiraishi, Miyu Sasaki, Hideo Nakano, Nobue Iketani.

Hona hemen Koji Shiraishiren azken aurreko barrabaskeria, Brian De Palma eta Kiarostami, Carpenter eta Gakuryu Ishiiren (Japoniako Ziberpunkaren Jaun Handia) mireslearena, 2016ko aukerako egun batean Sadako vs. Kayako filmatzera ausartu zenarena. Orain, bere maisulan (bakar) baten pisuak estututako zinema zuzendari baten istorio sinestezin baina batere tristea ez den bat kontatzen du, inguruko freak guztiek beneratua, zeinek ideiak ematen dizkioten bigarren atal baterako. Nolatan berak, bere laguntzaileak, boluntario armatu batek, erdi jainko ilehori eta erretzaile batek, burua moztuko dioten neska batek, eta beste norbaitek, nolatan amaituko duten hutsik dagoen eraikin batean, non sekta bat dagoen Indar Kosmiko Handiaren abenduaren zain… horrek ez du esplikazio posiblerik. Baina, zergatik eduki beharko luke?

+

Sadako DX (2022). Japonia. 100 min

• Zuzendaritza: Hisashi Kimura.
• Ekoizpena: Daiji Horiuchi, Etsuji Ogawa, Junji Igarashi, Keisuke Inoue, Nozomu Tanoguchi.
• Gidoia: Yuya Takahashi.
• Argazkia: Takahito Kasai.
• Musika: Koji Endo.
• Muntaketa: Takashi Tominaga.
• Aktoreak / Intérpretes / Cast: Fuka Koshiba, Kazuma Kawamura (The Rampage), Mario Kuroba, Yuki Yagi, Hiroyuki Watanabe, Naomi Nishida, Hiroyuki Ikeuchi.

Bizitza amaierarik gabeko basamortu bat izango litzateke, baldin eta aldiro Sadako agertuko ez balitzaigu, onriyo edo mendekuaren espiritu hori, 90eko urteetan bere madarikazioa VHS bideo batetik barreiatzen zuena. Hortaz, Ataru: The First Love & the Last Kill (2013) filmaren zuzendariak bat-batean Sadako DX proposatzen digunean eta gidoian “bat-bateko heriotzak entzuten ditugunean. Birus berri bat. Madarikazio bat. Suizidioak herrialde osoan zehar”, hotzikara suspergarri batek zeharkatzen digu bizkarrezurra. Eta dena okertzen badugu, gainerakoa hobetu egiten da, oraingoan ez zarelako hilko ikusi eta 7 egunera, baizik eta… 24 ordura! Interesgarria. Eta, zuzenean, ameslari batek adimen zientifikoa duen neska bati egin beharko dio aurre. Ez du mamuetan sinesten. Jakin gabe aita zenduaren aldarearen aurrean, ahizpa txikia VHSa ikusten ari dela.