Eneko Muruzabal “Planetagatik” egitasmoarekin, Oihua! ekimenaren hirugarren edizioaren irabazlea

2024.03.04 [10:00 h.]

Eneko Muruzabalek irabazi du Oihua! sorkuntza ekimenaren hirugarren edizioa Planetagatik film laburraren proiektuarekin.

Oihua!, Donostia Kulturak, San Sebastian-Gipuzkoa Film Commissionek eta Donostiako Udaleko Euskara Zerbitzuak bultzatutako ekimena da. Euskaraz filmatzen den fantasiazko generoa indartzeko helburuarekin sortu da. Irabazleak Igor Legarreta zuzendariaren aholkularitza izango du lan prozesuan zehar. Larrotxene Bideoren tutoretzapean eta elkarlanean ekoiztuko da gidoia.