Animedon plazan

Urriak 26

Aurten, ongietorria eman nahi diogu Animedon jaialdiari Eta bere jaiotza handikiro ospatu! Eta hori egiteko modurik onena animearen mundua Boulevardera eramatea dela uste dugu. Barrutik bizitzeko... Animeko pertsonaia bihurtzera gonbidatzen zaitugu beraz. Zure anime esentzia azaleratuko dugu eta beti izan nahi izan duzun avatar animatua bihurtzen lagunduko dizugu. Zatoz, parte hartu gure jardueretan, eta bihur zaitez Ghibliren hurrengo filmean agertzeko moduko pertsonaia. Eta bide batez, Super Saiyan egoerara iristeko behar adina ki kontzentratzeko gai izango zarela hitzematen dizugu.

Boulevardeko kioskoa (17:00-20:00)

Anime-aurpegia. Anime ororen oinarria pertsonaien aurpegian eta espresioetan dago. Beraz, aurten, makillajekom eta ile-apainketako, standak behar den guztia izango du ispiluko zure islak marrazki bizidun itxura izan dezan. CIFP MONTE ALBERTIA LHIIren eskutik.

Photocall. Betikotu zure arratsaldea Ghibli estudioaren estiloko atzealde batekin. Hori bai, zure aukera izango da amona, osaba eta koinatua argazkian ateratzea nahi baduzu, edo zurea, zure istorioaren pertsonaia protagonista izatea bada.

Anime-A. Animea mangatik dator, eta animazioa, irudi finkoetatik. Denboran atzera bidaia ezazu flipbook-tailer honi esker. Hutsetik abiatuta, edo zure anime gogokoenaren irudiak erabilita, zeure animazioa sortu ahal izango duzu. GRUPO HALk dinamizatua.

Korri edo harrapatuko zaitut. Beti daude jazarpenak animean. Eta amaigabeak izan ohi dira. Sortu hondo idiliko edo postapokaliptiko bat eta egin pertsonaiak bata bestearen atzetik. Mundu berekoak edo desberdinekoak izan daitezke. Sor ezazu bururatzen zaizun jazarpenik epikoena edo zentzugabeena. GRUPO HALren eskutik.

Mask-A-rada. Zure istorioaren pertsonaia protagonista izateko gogorik ez baduzu, asma dezagun bat! Izan ere, ez dira falta metamorfosia eta maskarak animean; beraz, eskulanen tailer honetan, zure alter egoaren maskara sortzeaz gain, gehien gustatzen zaizun moduan tuneatu ahal izango duzu. GRUPO HALekin lankidetzan.

K-pop gunea. Anime pertsonaia bazara, anime gisa jokatu beharko duzu eta telesail propioa izan. Eta anime telesail orori laguntzen dion zerbait badago, horiek bere opening harrigarriak dira. Beraz, zure estiloa hobetzeko, K-pop kulturari eskainitako gune bihurtuko dugu Kioskoa. K-Convent elkartearekin lankidetzan.

Escape Boom. Eternitateraino luzatzen den suspensea funtsezko baliabidea da telesail animeorotan. Beraz, itxarote luze hau omentzeko, mahai gainean ihes-joko bat jarriko dugu, bertsio eramangarrian. BONBA bat lehertzear dago, planeta osoko aparatu elektronikoak deuseztatuko dituen duen pultsu elektromagnetikoa sortuz. Garaiz deskonektatzeko gai izango zara?

Alde Zaharra (19:00-20:00)

Donostia Ghoul. Inaugurazioa ixteko, gure prozesio mozorrotuarekin batera Alde Zaharra zeharkatzera gonbidatzen zaitugu. Izan ere, maskara anime pertsonaia baten ia ezinbesteko osagarria da. Eta horregatik, aurtengo kalejira animeko maskara ikonikoetan inspiratuko da. A & B SHOWSen eskutik.

+

urriak 27 / 12:30
Victoria Eugenia Antzokiaren aurrean

Pijamaman eta denboraren trena. Inor ohartu al da Pijamamanen eta Doraemonen jantziak oso antzekoak direla? Gu bai, eta horregatik aurten, treneko gure bidaia Doraemonen 1996ko film honetan oinarrituko da. Beraz, Pijamamanekin eta iraganetik datorren bidaiari arraro batekin batera, gure treneko bidaiariak XXII. mendera joango dira.

+

urriak 31 / 17:00-20:00
Super Amara Riberas de Loiola

Behar bezala prestatu nahi baduzu Halloween gauerako, hemen duzu ekitaldi perfektua. AS ARTISTekin lankidetzan.