Silencio

• Espainia.
• Zuzendaritza: Eduardo Casanova.
• Ekoizpena: Javier Prada / Gamera Studios.
• Koprodukzioa: Reyes Velayos / Apoyo Positivo.
• Gidoia: Eduardo Casanova.
• Argazkia: Marino Pardo.
• Musika: Joan Vilà.
• Muntaketa: Ángel Pazos.
• Aktoreak: Lucía Díez, María León, Ana Polvorosa, Mariola Fuentes, Leticia Dolera, Omar Ayuso, Carolina Rubio.

Pentsa, 14 urterekin ezagutu genuen, 2005ean Fidel antzezten zuenean ezinbesteko “Aida” seriean. Pentsa, denborarekin autoretza bikaineko unibertso bat eraiki du, Pielesekin (2017) koroatua. Pentsa, gaur, atzo bezala, berak bezalaxe pentsatzen dugu, berresten digunean: “Banpiroa figura guztiz poetikoa da”. Pentsa, Locarnok handikiro proiektatu zuen Silencio bere miniserie hau, non emakume banpiro harrigarriak dabiltzan mendeen artean umore hilgarriz eta apurtutako portzelana bezain eder, non epidemiek gizakiak hertsatzen dituzten, non zure banpiro-maitaleak bakarrik salba zaitzakeen azken gaindositik eta “zomorrotik”, hau da, GIBetik. Ikusgarria arte zuzendaritza, gailenak jantziak, gaindiezinak makillajea, efektuak, produkzio diseinua. Paregabeak emakumeak, aktoreak.