'Deathstalker' filmak Beldurrezko Zinemaren 36. Asteko Ikusleen Saria lortu du

2025.11.07

Deathstalker (Steve Kostanski, 2025) film luze Fantasiazko eta Beldurrezko Zinemaren 36. Asteko Ikusleen Saria irabazi du. Astea Antzoki Zaharrean amaituko da gau honetan Primate (2025) pelikularen proiekzioarekin.

PALMARESA

Ikusleak

• Ikusleen Saria Film Luze Onenari

Deathstalker (2025). Steve Kostanski. Kanada-AEB

• Ikusleen Saria Film Labur Onenari

Borbulha (2025). Fernando Alle. Portugal

• Ikusleen Saria Animaziozko Film Labur Onenari

Lucus (2025). David Fidalgo. Espainia

• Ikusleen Saria Espainiako Film Labur Onenari

Pobre Marciano (2024). Alex Rey

Epaimahaia

• Epaimahaiaren Saria Film Labur Onenari

Come Sit With Us / Ära ole uhke (2024). Elis Rumma. Estonia

Donostiako Fantasiazko eta Beldurrezko Zinemaren 36. Asteko Film Laburren Nazioarteko Lehiaketako epaimahaiak, Mery Cuesta, Gloria Fernández eta Miquel Pastor kide dituenak, Film Labur Onenaren Epaimahaiaren Saria Come Sit With Us filmari ematea erabaki du, emakumearen sumisioa eta belaunaldiarteko bere garrantzia irudikatzeko duen ahalmen metaforikoagatik, eta generoko zinema kritika eta aldarrikapen soziala egiteko baliabide ona dela agerian uzteagatik.

• “Zilarrezko Méliès” Saria Europako Film Labur Onenari

Mater Benefacta (2024). Marc Riba & Anna Solanas. Espainia

Donostiako Fantasiazko eta Beldurrezko Zinemaren 36. Asteko Film Laburren Nazioarteko Lehiaketako epaimahaiak, Mery Cuesta, Gloria Fernández eta Miquel Pastor kide dituenak, Europako Fantasiazko Film Labur Onenaren “Zilarrezko Méliès” saria Mater Benefactari ematea erabaki du, Espainiako historiaren pasarte gaitzesgarri bat erretratatzeko estetika eta hizkuntza doi batez baliatu eta ahanzturaren aurkako tresna gisa duen ahalmenagatik.

• Gazte Epaimahaiaren Saria Film Labur Onenari

El fantasma de la Quinta (2025). James A. Castillo. Espainia

• Syfy Saria Espainiako Film Labur Onenari

Depredador (2024). Javier Fesser

• EITB Saria Euskal Film Labur Onenari

Olentzerori eskatu nion (2025). Amaia San Sebastián

• Blogos de Oro Saria Film Luze Onenari

Silencio (2025). Eduardo Casanova. 2025

Donostiako Fantasiazko eta Beldurrezko Zinemaren 36. Asteko Urrezko Blogoak kritikaren saria ematen duen epaimahaiak, Iker Casado (Casado con el Cine), Santi Serrano (Revista Young España), Mikel Peña (RavenHeart), Amaia Egüés (Atemporalia) eta Manuel Aguilar (CineDePatio) kide dituenak, erabaki du saria Silencio filmari ematea, egilearen originaltasuna eta jarrera lotsagabea alde batera utzi gabe, drama sozialaren eta banpirismoaren arteko hari gidari gisa odolaz baliatzeagatik; izan ere, horrek ematen dio freskotasuna genero fantastikoari, hiesaren estigmen inguruan mezu oso zuzena helarazteaz gain..

• Ikusleen Saria Fanzine Onenari (Babeslea: FNAC Donostia)

Pantxineta Endemoniata