Argitalpenak

American Gothic
Asteak aurten aurkezten duen bere argitalpenaren hamargarren zenbakiak American Gothic. Cine fantástico y de terror USA 1968-1980 gaiari buruz dihardu. Antonio José Navarrok koordinatu du eta egile ezagun ugarik parte hartu dute. Guztiek Night of the Living Dead filmaren estreinalditik generoko zinema berri estatubatuarrak izan duen berpizteari buruz hitz egiten dute aurtengo argitalpenean.

2000 maniacos
Beldurrari, zientzia fikzioari eta erotismoari buruzko Europako fanzinerik zaharrenak Astean parte hartzen jarraitzen du eta, oraingoan ere, zenbaki berezi bat argitaratu du. Munstro, mutante eta izaki anormalez beteriko orrialdeak dakartza. Elkarrizketa bikainak eta esklusiboak (Lloyd Kaufman, Olaf Ittenbach), zinemari eta komikiari buruzko artikuluak eta dibertimendu ugari eskaintzen dizkie irakurleei.

 

Interzona
Astearen babespean jaio da Interzona. Komikiari buruzko argitalpen honetan gaur egun nazio mailan dauden istorio idazle garrantzitsuenek parte hartzen dute eta, horiekin batera, esparruko hainbat espezialistek euren lankidetza eman dute. Aurtengo Astean aurkeztu da zero zenbakia, erabat espontaneoa; pixkanaka handitzen joango den aldizkari honek beteko duen bidearen lehen urratsa eman nahi izan da.

 

Verlián y el talismán extraviado
Gero eta ezagunagoa da Jack Mircalaren mitoa. Verlian eta talisman galdua da talentu paregabe honek eskaintzen digun azken gozoki pozoitsua. Astearen aurreko edizioetan ezagutu eta gozatu genituen kartoi mehezko maketa apainekin ilustratua, Mircalak beldurrarekin duen maitasunezko istorioa bere gorenera eramaten du.

 

Jodorowsky FNACen

FNACek Fantasiazko eta Beldurrezko Zinemaren Astean Alejandro Jodorowsky antzerki idazle, zinemagile eta chamanak zuzendutako filmetatik hiru emango ditu: Fando y Lis (1968), El topo (1970) eta La montaña sagrada (1973).

 

Ipuin kontalaria Izaskun Mujikarekin

urriak 27
Elkar megadenda (Fermín Calbeton 21)
Adina: 4 urtetik gorakoentzat

Zenbat kultura hainbat kondaira badira munduan. Gehienek gainera, izua eregiten duen pertsonairen bat dute protagonista. Gurean Tartalo dugu ezagunenetako bat, baina Izaskun Mujikaren laguntzaz urrutiko lurraldeetan haurrei kontatu ohi zaizkien beldurrezko istorioak ezagutuko ditugu, adibidez Errusiako Babayaga edo Asiako Kishimo Jin-en kondairak. Haurrak gehiegi izutu gabe, Donostiko Fantasiazko eta Beldurrezko Zinemaldiaren astean murgilduko gara istorio hauei esker.

 

 

3. Nazioarteko Karaoke Lehiaketa

Aurreko bi aldietan lortutako arrakasta handiaren ondoren, Nazioarteko Karaoke Lehiaketa kementsu itzuli da Donostiara. Kantuzaleak diren guztientzat, haien ahots- eta artista-trebetasunak erakutsi nahi dituztenentzat, zinema ikusteaz nekatu eta bizitzan eszenategi batean haien lilura agertzea beste nahirik ez duten pertsona guztientzat. Hau duzue aukera!

 

Krell

2004an Donostia Hiria Pop-rock Lehiaketa irabazi zuen Dunkelheit pop gotikoko taldetik sortu da Krell taldea. Elektronika eta rock gotikoa ahalik eta modu bikainenean elkartu nahi ditu bere musikaren bitartez. "Krell taldeak gizatasuna ematen dio elektronikari eta gizatasuna kentzen dio, berriz, rockari". Taldearen izena The Forbidden Planet kultuzko filmetik hartu dute.

 

 

Semana de Cine Fantástico y de Terror. Unidad de Cine.
Donostia Kultura. Teatro Victoria Eugenia. Reina Regente 8, 4º. 20003 Donostia- San Sebastián
Tel.: (34) 943 48 11 57/97 - Fax: (34) 943 43 06 21 E-mail: cinema_cinema@donostia.org