Argitalpenak

Métal Hurlant

Astearen ziklo berezia, aurten, Métal Hurlant (1975-1987) komiki-aldizkari frantsesari eskainiko zaio. Aldizkariak, hasi zenetik gaur arte, fantasiazko zineman eta egungo fikziozko zineman eragin handia izan du. Zikloak, Jesús Palacios-ek koordinaturiko liburua argitaratzearekin batera, Métal Hurlant aldizkariari eta bere sortzaile eta kolaboratzaileei omenaldia egingo die, mundu mailako fantasiazko unibertsoan argitalpenak izan duen eragin boteretsua azalduko duten film-sailaren bidez.

2000 Maníacos: ¡Especial 20 años!

Aurten, Donostiako Beldurrezko Asteak mundu mailako fandom-aren fanzine zaharrenaren hogeigarren urteurrena ospatuko du: 2000 Maníacos. Fanzinaren 40. alea aparteko historiko bat da goitik behera errepasatzen baitu historia izugarria: 1989tik 2009ra. Munstro itxuragabeak, B eta Z saileko filmak, emakume-sugeak, satitsu hiltzaileak, infernuko heavy-ak, zonbi atomikoak, gizajaleak gerripekoak jantzita eta porno beroko aktoreak ikus ditzakegu ia ehun orriko berrikustean. Festa lizun eta psikotronikoak burua galaraziko dizu.

Antzerkia

El cuervo
Teatro Corsario

Edgar Allan Poe idazle iparramerikarraren poeman oinarrituta, The Crowk malenkoniak eta heriotzaren hurbilak dakartzaten sentipenak islatzen ditu, gizon bakarti baten eta bele batek gau ekaiztsu batean izandako elkarrizketan. Belearekiko elkarrizketa liluragarria da, abegitsua, misteriotsua… Teatro Corsariok bidaian garamatza ilunpeko munduan barrena, naturaz gaindikoan, izuaren munduan, eldarnioen eta gauza sinestezinen artean.

Gaztelu Beldurgarria

S.O.S NÉMESIS

Groseko Haurtxokoak eta Gaztelekuak Gaztelu Beldurgarri bat antolatu dute azaroak 7 larunbatean. Ekintza honetan haur eta gazteak Okendoko eraikuntza historikoan sartuko dira eta hiru pisuetan zehar misterioz, ezustekoz eta sorpresa ugariz beteriko ibilbide bat bete beharko dute.

 

Musika

Drddbanks
a.k.a Dotado

Rapero honek New York eta Kalifornian 90eko hamarkadan egindako rap-aren eragina izan duela esan genezake. Bere lirika, ezinbestean, auzoko arazoei buruzkoa da, blokearen ego hutsa fede gisa thug life duela. Gorroto eta bekaizkerian hezia, 943a irudikatzeko kofidantzazko gunea sortzea erabaki zuen, street soldiers crew and don most hated.

Bily Box

Produktore honek, beat box battle 2009an Espainian bosgarren postua lortu zuen. Beat maker honen iturriak estetika gangsterra eta mugimendu chicanoen artean daude eta iparraldeko kostako rap produktore onenen artean egotea lortu du.

 

Miss Adrenaline

Gore-burlesque delakoa iritsi da Astera Miss Adrenaline-n eskutik, Halloween Gauean emanaldia eskainiko baitigu. Laborategia izango da errai eta sentsualitatez, odol eta proposamenez betetako performancearen agertokia. Rockabilly estilo puruena fetish ukituarekin nahastuta.

 

Ikso Studio

Astearen goiburua

“Gortinak egitearen ideia Batman estiloko komiki-estetikaren, bere dei-fokua eta komikiaren gainerako elementuekin, eta genero-zinemaren pertsonaia “kutunen” arteko nahasketa egitetik sortu zen, eta hala, Asteak beldurraren “heroiei” etor zitezen deitzearen proposamena egin genuen”.

Ikso Studio duela bi urte sortu zen animazio-estudioa da. Orain arte, publizitatea, FX film laburretarako, storyboardak, animazio-film laburrak, etab. egin ditu, 3D/2Drekin loturiko guztia, baina, batez ere, ordenagailu bidez eginiko animazioari begira.

Mahai-jokoen Jardunaldiak

Zonbi-hordak protagonistarengana hurbiltzen ari dira gaixoa irensteko prest... eta zu hor, besaulkian eserita. Baina, zer egingo zenuke bere egoeran? Hurbil zaitez partida batzuk jokatzera eta zonbien aurka borrokatzeko, Drakularen atzetik ibiltzeko, misterioak aztertzeko eta beldurrezko istorio dibertigarriak kontatzeko aukera izango duzu.

Ez kezkatu jokatzen ez badakizu, guk lagunduko dizugu. Ausartuko al zara ikusle huts ez izaten?

Laguntzailak: